Guillaume DES AUTELZ (1529-1581) (Recueil : Suite du Repos de l'autheur) - De sa juste amour et estrange peine

Guillaume DES AUTELZ (1529-1581) (Recueil : Suite du Repos de l'autheur) - De sa juste amour et estrange peine Je reconnois en elle mon courage Car le sien mesme estre le mien je croy. J'y reconnois de Nature la loy, Qui de nous deux n'ha fait qu'un mesme ouvrage. Je reconnois encores d'avantage : Je suis en elle, et je la sens en moy. Pour le moins donq aux signes que je voy Elle est la mienne, ou moy la sienne image. Je pense avoir des signes apperceus Qu'elle ayt amour autant que moy certaine Mais tous mes sens (las) en fin sont deceus. Souffrois tu plus que moy de grieve peine, Ô de mon mal l'exemple Narcissus, En adorant ton ombre en la fonteine ?