Alain CHARTIER (1385-1433) - Au feu, au feu qui trestout mon cueur ard

Alain CHARTIER (1385-1433) - Au feu, au feu qui trestout mon cueur ard Au feu, au feu qui trestout mon cueur ard Par un brandon tiré d'ung doulx regard Tout enflambé d'ardent desir d'amours ! Grace, mercy, confort et bon secours, Ne me laissez brusler, se Dieu vous gard. Flambe, chaleur, ardeur par tout s'espart, Etincelles et fumee s'en part ; Embrasé suis du feu qui croist tousjours. Au feu, au feu ! Tirez, boutez, chassez tout a l'escart Ce dur danger, gettez de toute part Eaue de pitié, de lermes et de plours. A l'aide, hélas ! Je n'ay confort d'ailleurs. Avancez vous, ou vous vendrez* trop tart ! Au feu, au feu ! (*) viendrez