Devoir de Philosophie

Simon GOULART (1543-1628) (Recueil : Suite des Imitations chrestiennes) - Lors que la brune nuict charge sa robbe noire

Extrait du document

Simon GOULART (1543-1628) (Recueil : Suite des Imitations chrestiennes) - Lors que la brune nuict charge sa robbe noire Lors que la brune nuict charge sa robbe noire, Sous icelle tenant tous animaux cachez, Et que ces feux luisans au grand ciel attachez, Celebrent hautement de l'Eternel la gloire : De mon ame la nuict me vient en la memoire Et lors que bien couverts je pense mes pechez, Tes clairs yeux ne sont point à les voir empeschez : Car mon coeur, et ma langue, et mon tout t'est notoire. C'est donc folie à moy de me vouloir cacher Arriere de ta face, ou courir et cercher Le manteau de ta nuit pour fuir ta lumiere. Chasse (ô Pere) plustost l'obscur espais brouillaz De la nuit du peché, qui me tient en ses laqs, Et par ton vif Soleil desille ma paupiere.

Liens utiles