Roger de COLLERYE (1470-1536) - Au pied du mur je me voy sans eschelle

Roger de COLLERYE (1470-1536) - Au pied du mur je me voy sans eschelle Au pied du mur je me voy sans eschelle, Plus je ne sçay de quel boys faire fleches, Faulte d'Argent m'en donne les empesches, Triste j'en suis, jà ne fault que le celle. Durant ce temps mon corps d'ennuy chancelle, Mes joues sont mesgres, palles et sèches, Au pied du mur. Si ayde n'ay du bon Dieu et de celle Devant lesquelz a deulx genoulx me fleches, De ma vie je ne donne troys pesches, Car de vertu j'ay moins qu'une estincelle Au pied du mur.