Charles d' ORLEANS (1394-1465) (Recueil : Rondeaux) - Dieu, qu'il la fait bon regarder

Charles d' ORLEANS (1394-1465) (Recueil : Rondeaux) - Dieu, qu'il la fait bon regarder Dieu, qu'il la fait bon regarder, La gracieuse, bonne et belle ! Pour les grans biens qui sont en elle, Chascun est prest de la louer. Qui se pourroit d'elle lasser ? Tousjours sa beauté renouvelle, Dieu, qu'il la fait bon regarder, La gracieuse, bonne et belle ! Par deça ne dela la mer Ne sçay dame ne damoiselle Qui soit en tous biens parfais telle ; C'est un songe que d'y penser. Dieu, qu'il la fait bon regarder !