Octavien de SAINT-GELAIS (1468-1502) - Plus n'ay d'actente au bien que j'espéroye
Extrait du document
Octavien de SAINT-GELAIS (1468-1502) - Plus n'ay d'actente au bien que j'espéroye Plus n'ay d'actente au bien que j'espéroye, Jamais n'auray ce que tant je quéroye ; Ung si grand heur ne m'estoit à venir. Las ! bien cuidoye ung jour y parvenir, Et que le plus du monde heureux seroye. Aultre trézor autant ne désiroye ; Mais pour néant après ores yroye, Car ce seroit l'aller pour le venir. Plus n'ay d'actente. Espoir longtemps m'en a monstré la voye, Mais dur Reffuz mainctenant me renvoye, Chargé du faix du dolent souvenir ; J'ai bien cause de triste devenir, Car à celle que si fort requerroye Plus n'ay d'actente.
Liens utiles
- Octavien de SAINT-GELAIS (1468-1502) - Tout m'est dueil, tout m'est desplaisir
- Mellin de SAINT-GELAIS (1487-1558) - Sonnet mis au devant d'un petit traicté que je feis
- Mellin de SAINT-GELAIS (1487-1558) - Asseuré suis d'estre prys et lyé
- Mellin de SAINT-GELAIS (1487-1558) - Epitaphe de Marie Compane femme de Nicolas de Herberay
- Mellin de SAINT-GELAIS (1487-1558) - Sonnet de Monseigneur le Daulphin