Jean-Antoine de BAÏF (1532-1589) (Recueil : Amours de Méline) - Ces yeux ces yeux, doux larrons de mon ame

Jean-Antoine de BAÏF (1532-1589) (Recueil : Amours de Méline) - Ces yeux ces yeux, doux larrons de mon ame Ces yeux ces yeux, doux larrons de mon ame, M'ont eblouy de leur belle splendeur, Astres fataux qui de malheur ou d'heur Me vont comblant au plaisir de madame. Au cueur d'hiver un printemps l'air embame Ou que tournez ilz fichent leur ardeur, Et quelque part qu'ilz baissent leur grandeur Fleurit un pré mieux odorant que bame. Les chastes feuz de ces freres jumeaux Me retirant du naufrage des eaux Par leur clarté de sauveté m'asseurent : En leur saint feu mon vivre est allumé, Mon vivre, las, qui sera consumé, Quand leur destin arrestera qu'ilz meurent.