Guillaume DES AUTELZ (1529-1581) (Recueil : Repos de plus grand travail) - De sa Sainte
Extrait du document
Guillaume DES AUTELZ (1529-1581) (Recueil : Repos de plus grand travail) - De sa Sainte Un jour ma Sainte au temple saint oroit. Au ciel estoit le bruit de son silence, Comme un Soleil reluisoit sa presence, Et tout le lieu de son ombre doroit. L'image en Croix de cil qu'elle adoroit, Signes monstroit de grand' benivolence Saintes et Saints luy faisoient reverence, Et tout le temple honoré l'honoroit. Ce que j'en dy n'est pas nouvelle sceue Par rapport d'autre, et n'en suis inventeur : Car de mes yeux j'ay la chose apperceue. Que si je suis oultre mon gré menteur, Et que ma veuë en cela soit deceue, Tu es, Amour, un terrible enchanteur.
Liens utiles
- Guillaume DES AUTELZ (1529-1581) (Recueil : Repos de plus grand travail) - De la persévérance de son amour
- Guillaume DES AUTELZ (1529-1581) (Recueil : Amoureux Repos) - De ses vers, à sa Sainte
- Guillaume DES AUTELZ (1529-1581) (Recueil : Amoureux Repos) - Du nom de sa Sainte, imitation de Pétrarque
- Guillaume DES AUTELZ (1529-1581) (Recueil : Suite du Repos de l'autheur) - A sa Sainte
- Guillaume DES AUTELZ (1529-1581) (Recueil : Suite du Repos de l'autheur) - Du pouvoir merveilleux et estrange desir de son amour