Etienne de LA BOETIE (1530-1563) (Recueil : Vers françois) - Helas ! combien de jours, helas ! combien de nuicts
Extrait du document
Etienne de LA BOETIE (1530-1563) (Recueil : Vers françois) - Helas ! combien de jours, helas ! combien de nuicts Helas ! combien de jours, helas ! combien de nuicts J'ay vescu loing du lieu, où mon cueur fait demeure ! C'est le vingtiesme jour que sans jour je demeure, Mais en vingt jours j'ay eu tout un siecle d'ennuis. Je n'en veux mal qu'à moy, malheureux que je suis, Si je souspire en vain, si maintenant j'en pleure ; C'est que, mal advisé, je laissay, en mal'heure, Celle la que laisser nulle part je ne puis. J'ay honte que desja ma peau decoulouree Se voit par mes ennuis de rides labouree : J'ay honte que desja les douleurs inhumaines Me blanchissent le poil sans le congé du temps. Encor moindre je suis au compte de mes ans, Et desja je suis vieux au compte de mes peines.
Liens utiles
- Etienne de LA BOETIE (1530-1563) (Recueil : Vers françois) - Elle est malaade, helas ! que faut-il que je face
- Etienne de LA BOETIE (1530-1563) (Recueil : Vers françois) - Je veux qu'on sçache au vray comme elle estoit armee
- Etienne de LA BOETIE (1530-1563) (Recueil : Vers françois) - J'ay fait preuve des deux, meshuy je le puis dire
- Etienne de LA BOETIE (1530-1563) (Recueil : Vingt neuf sonnetz) - Ô l'ai je dict ? helas ! l'ai je songé ?
- Etienne de LA BOETIE (1530-1563) (Recueil : Vers françois) - Je publiëray ce bel esprit qu'elle a