Charles d' ORLEANS (1394-1465) (Recueil : Ballades) - Bien moustrez, Printemps gracieux
Extrait du document
Charles d' ORLEANS (1394-1465) (Recueil : Ballades) - Bien moustrez, Printemps gracieux Bien moustrez, Printemps gracieux, De quel mestier savez servir, Car Yver fait cueurs ennuieux, Et vous les faictes resjouir. Si tost comme il vous voit venir, Lui et sa meschant retenue Sont contrains et prestz de fuir A vostre joyeuse venue. Yver fait champs et arbres vieulx, Leurs barbes de neige blanchir, Et est si froit, ort* et pluieux Qu'emprés le feu couvient croupir ; On ne peut hors des huis yssir** Comme un oisel qui est en mue. Mais vous faittes tout rajeunir A vostre joyeuse venue. Yver fait le souleil es cieulx Du mantel des nues couvrir ; Or maintenant, loué soit Dieux, Vous estes venu esclersir Toutes choses et embellir. Yver a sa peine perdue, Car l'an nouvel l'a fait bannir A vostre joyeuse venue. (*) sale (**) sortir de sa maison
Liens utiles
- Charles d' ORLEANS (1394-1465) (Recueil : Ballades) - Quant vint a la prochaine feste
- Charles d' ORLEANS (1394-1465) (Recueil : Ballades) - Le premier jour du mois de may
- Charles d' ORLEANS (1394-1465) (Recueil : Ballades) - Las ! Mort, qui t'a fait si hardie
- Charles d' ORLEANS (1394-1465) (Recueil : Ballades) - France, jadis on te soulait nommer
- Charles d' ORLEANS (1394-1465) (Recueil : Ballades) - En acquittant nostre temps vers jeunesse